Draumejobben finn du her

Bli med i vår fine gjeng med sesongarbeidarar i Utladalen!

Er du naturglad, engasjert og ynskjer fysisk utearbeid til sommaren? Stiftinga Utladalen Naturhus og Utladalen Nasjonalparksenter AS har 4 ledige stillingar som skjøtselsarbeidarar/turistvertar sommarsesongen 2025.   Stiftinga Utladalen Naturhus har ansvar for kulturlandskapsskjøtselen i Heimre Utladalen.  Hovudmålsettinga med skjøtselen er å ta vare på kulturlandskapet og viktige naturtypar, ivaretaking av biologisk mangfald og naturrestaurering.  Utladalen Nasjonalparksenter AS driv besøkssenter for nasjonalpark med utstilling og ein liten kafé med enkel servering og litt varesal.  Dei som vert tilsett er i hovudsak skjøtselsarbeidarar, men tek enkelte vakter som turistvertar i nasjonalparksenteret.

Arbeidsperiode:
I hovudsak juni – august 2025, men det er behov for minst ein person i perioden mai – oktober. 

Skriftleg søknad med CV og referansar vert å senda på e-post til post@utladalen.no innan 21. Februar 2025. Ved spørsmål om stillinga, ta gjerne kontakt med dagleg leiar Monika Lysne, tlf. 90516686 eller e-post post@utladalen.no.

I søknaden må det stå:

  • Fødselsdato

  • Dato for når du kan starte, og kor lang periode du kan jobbe

  • Relevante kvalifikasjonar og eigenskapar (motorsagkurs, førarkort, osv.)

  • Eventuell tidlegare relevant arbeidserfaring



Kvalifikasjonar og arbeidsoppgåver:
Du må kunne arbeide ute i alle slags vær og vere fysisk i stand til å gjennomføre fysisk krevjande arbeid. Me ynskjer i hovudsak personar over 18 år, men yngre søkarar kan verte vurdert.

Arbeidet inneberer arbeid med slåttemaskiner, ryddesager og diverse andre reiskap.  Det må og påreknast anna førefallande arbeid som reinhald, tilsyn av beitedyr, vedlikehald av stiar, medhjelparar på arrangement osv. Skjøtselsarbeidet vert utførd både nede i Utladalen med ATV som transportmiddel, men og oppe i fjellsidene, langs stiar og rundt stølar.  Du vil stort sett jobbe saman med andre i eit arbeidslag, og arbeidsleiar (dagleg leiar) vil følgje opp arbeidet.  Opplæring vert gjeve i starten på arbeidsperioden. Alt utstyr og verneutstyr er tilgjengeleg på arbeidsstaden

Noko av arbeidet inneberer å vere turistvert i Utladalen Nasjonalparksenter (om lag 1 dag i veka).  Du får då ansvar for kafé/utstilling og arbeidet her inneberer å selje varer i kafeen/butikken, enkel servering og svare på spørsmål frå besøkande.  

Dersom det er søkjarar som er spesielt eigna til å jobbe mest på skjøtsel, eller til å jobbe meir i kafeen, kan det bli noko tilrettelagd for det. Ein må då likevel vere førebudd på å måtte utføre begge arbeida i periodar når andre har fri.

Me kan tilby:

  • Sommarjobb ute i fantastisk og unik natur!

  • Relevant arbeidserfaring for studentar innan skog, utmarks, reiseliv-, natur- eller kulturfagleg utdanning

  • God opplæring i arbeidstida

  • Personalbustad (gratis) ved behov

  • Løn som vert avtala ut i frå alder, erfaring, kvalifikasjonar og ansvar.

  • Kan bli aktuelt med nokre dagar i løpet av sesongen med utveksling til unike Ormelid høgdegard i Luster


Personlege eigenskapar:

  • Du har praktiske ferdigheiter

  • Du er fysisk i stand til å arbeide ute heile arbeidsdagar med fysisk krevjande arbeidsoppgåver

  • Du har gode samarbeidsevner og er sjølvstendig i arbeidet

  • Du er positiv og serviceorientert, og kan kommunisere på engelsk

  • Du har gjerne erfaring med skjøtsel og skjøtselsutstyr (ikkje eit krav)